Scusate se parlo io che non lo faccio mai, lo lascio fare sempre
alle mie fiamme, ma la curiosità è tanta, è qundi aggia parlà.
Vulesse sapè pecchè me juardate cu st'occhie spalancate e ca faccie
spaventate e ve ne scappate ? Je nun faccio nient'e male site vuje ca
m'appicciat . . . . . . Ah forse capisco, è pecchè e me ve nann'
parlate semp male, ricenn chill'ò fuoco sta all'inferno e po' sule à
brucià, il fuoco è amico del diavolo e c'è po' sule peggiorà. Ma
je à sta numena ca porto non ci sto e vo voglio spiegà. Je v'aggio
semp'aiuitat o quasi, tant'anni fa v'aggio scarfat grotte case putec
e famiglie pe' nun ve fa murì e fridd , v'aggio m'parate a cucinà e
bbell e bbrutt, e bbuon e enfami pe nun ve fa murì e famme, v'aggio
difeso dagli animali pe nun ve fa sbranà, aggio rat' form a tanti
ccos, ò fierro plastic e acciaje a tal punt ca me paren vivi. Sto
ccu vuje rint e mument bbell, sto n'copp à na torta ca surridenn cu
nu soffio me stutate, e quann' ve sentit sule ve faccio cumpagnie, me
juardat me parlat e je sto la a v'ascoltà, comm'è quanne jate à
piccià nu cero rint'a chiesa pe chieder na grazia, sperann'e truvà
à luce rint'o scure. . . . . Ah dimenticavo si so accussì cattiv
pecchè m'annummenat rint' a tutt'e ccos bbell ? Pe parlà r'ammore
passion e sentiment, ricit me so nammurat, me sent'ò ffuoco rint, e
stu fuoco ve serv pe ve stimolà a farv campà meglie. Ve salut
ricenn, quann' m'appicciat so comm'a nu criature, pozze fa nu juaie
nun me lasciat sul, pecchè nun song'je ca bbrucio ma site vuje ca
l'appicciate. . . . Stu fuoco ! ! !
(Fabio Orbitello)